मला एकदा मरून पहायचयं
मरणानंतरचं जग अनुभवायचयं
जगून थकलेल्या शरीराला
मरणाच्या स्वाधीन करायचयं
मला एकदा..
म्हणतात मरण सगळे पाश सोडवतं
मला सर्व पाशातून मुक्त व्हायचयं
पाखरासारखं हलकं फुलकं व्हायचयं
मला एकदा..
सुख अन् दुःख या फे-यातल्या मला
कायमचं सोडवून टाकायचयं
सुख दुःख विरहित जग मला अनुभवायचयं
मला एकदा..
पाप अन् पुण्य याने घाबरलेल्या मनाला
मोकळा श्वास घेऊन द्यायचायं
एकदातरी निर्धास्त जगायचयं
मला एकदा..
by -- विनोद गोविंद
कोणत्याही टिप्पण्या नाहीत:
टिप्पणी पोस्ट करा